Жаҳон банки директорлар кенгаши Ўзбекистондаги ислоҳотлар учун имтиёзли кредитлар кўринишидаги 800 миллион долларлик молиялаштириш пакетини тасдиқлади. Бу ҳақда Жаҳон банки матбуот хизмати хабар берди.

Жаҳон банки томонидан қўллаб-қувватланадиган ҳукуматнинг таркибий ислоҳотлари дастури ишбилармонлик муҳитини яхшилаш бўйича қишлоқ хўжалиги, темир йўл ва энергетика соҳаларида самарадорликни ошириш; давлат молиясини бошқаришни такомиллаштириш; ижтимоий ҳимоя хизматларидан фойдаланиш имкониятларини кенгайтириш; ва мамлакатнинг атроф-муҳит ва иқлим ўзгариши билан боғлиқ хавфларга тайёрлигини ошириш каби чора тадбирларни ўз ичига олади.

Ушбу ислоҳотларни амалга ошириш учун Жаҳон банки имтиёзли кредитлар шаклида 800 миллион доллар ажратади. Ушбу маблағлар ҳукуматга халқаро молия бозорларида мавжуд бўлган қарз олиш имкониятларига нисбатан паст фоиз ставкалари ва узоқроқ муддатларда берилади. Бу Ўзбекистонга шошилинч ижтимоий-иқтисодий муаммоларни ҳал этишга йўналтирилиши мумкин бўлган муҳим молиявий ресурсларни тежашга ёрдам беради.

Ушбу кредит, ижтимоий ҳимоя, гендер асосидаги зўравонликка қарши кураш, фермерларнинг қишлоқ хўжалиги ерларига эгалик қилиш ва ундан фойдаланиш ҳуқуқларини таъминлаш, ишбилармонлик муҳитини яхшилаш, давлат молиясини бошқариш, иқлим ўзгаришига қарши кураш, сув ресурсларини бошқариш, атроф-муҳит ва иқлимга таъсирни баҳолаш соҳаларда аниқ натижаларга эришишда ёрдам беради.

• Жаҳон банки
• Ўзбекистон