Америка Қўшма Штатлари терма жамоаси ҳақида сиз билган ва билмаган фактлар

Америка Қўшма Штатлари терма жамоаси тарихи.

АҚШ терма жамоаси Қўшма Штатлар футбол федерацияси томонидан ташкил этилган ва ФИФА ҳамда CONCACAF яъни Шимолий, Марказий Америка ва Кариб денгизи давлатлари футбол конфедерациясига аъзо. АҚШ Жаҳон чемпионатларида 11 марта иштирок этган. Илк марта 1930 йилги Уругвайдаги дастлабки мундиалда. Ўшанда терма жамоа ярим финалга қадар етиб борган. Сўнгра 1934-йилги ҳамда 1950-йилги мундиалда Англия термасини 1-0 ҳисобида мағлуб этган.

Шундан сўнг 1990 йилгача АҚШ саралаш босқичидан ўтолмаган. 1994-йилги мундиал мезбонлигини айнан Қўшма Штатлар қўлга киритди. Ўз уйидаги чемпионатда АҚШ нимчорак финалда Бразилия термасига мағлуб бўлган. Шундан кейин эса Америкаликлар кетма кет 1990-йилдан 2014 йилга қадар барча мундиалларда мунтазам иштирок этди, (мазкур натижа фақатгина 7 та давлатга тегишли бўлган) баъзи турнирларда эса плей-офф босқичига ҳам ўтишни уддалаган. Шу жумладан, 2002 йилги Жаҳон чемпионатида АҚШ чорак финалгача етиб броган ҳамда Германияга ютқазган ҳолда турнир билан хайрлашган.

2009 йилги Конфедерациялар кубогида америкаликлар рейтингда биринчи ўриндаги Испанияни ярим финалда мағлубиятга учратиб, финалда Бразилияга мағлуб бўлишди, мазкур натижа терма жамоанинг қитъалараро йирик турнир финалида ягона яхши натижаси эди.

АҚШ, шунингдек, қитъа турнирларида, жумладан, CONCACAF Олтин Кубоги ва Америка Кубогида иштирок этади. АҚШ етти марта Олтин кубокни ва КОНКАКАФ Миллатлар лигасининг илк чемпионлигини қўлга киритган ва 1995 ва 2016 йилларда иккита Америка Кубогида тўртинчи ўринни эгаллаган.

АҚШ терма жамоасининг илк халқаро ўйини 1914 йил Швейция пойтахти Стокголм шаҳрида мезбонлар Шевйтисияга қарши кечган ва 2-3 ҳисобида ғалаба қозонган.

Терма жамоа тарихидаги энг йирик ғалаба 2008 йилда Барбадос терма жамоасини 8-0 мағлуб этган.

Энг йирик мағлубият эса, 1948-йилда Норвегия пойтахти Осло шаҳрида мезбон Норвегияга 11-0 ҳисбода мағлуб бўлган .

Таъкидлаб ўтганимиздек, АҚШнинг Жаҳон чемпионатларидаги илк иштироки 1930 йилги мундиал.

Жаҳон чемпионатларидаги энг яхши натижаси худди ўша мундиалда 3-ўрин.

АҚШ дунё терма жамоалари рейтингидаги энг яхши натижаси 4-ўрин 2006 йил.

Терма жамоанинг футболкалари бўйича ҳамкорлар:
Адидас 1984 1994 йилгача;

Нике 1995 йилдан ҳозиргача.

АҚШ терма жамоасида энг кўп ўйинларда иштирок этган футболчилар:
1. Коби Жонс 164 та ўйин 15 та гол 1992 йилдан 2004 йилгача
2. Лендон Донован 157 та ўйин 57 та гол 2000 йилдан 2014 йилгача
3. Майкл Бредли 151 та ўйин 17 та гол 2006 йилдан 2019 йилгача
4. Клинт Демпси 141 та ўйин 57 та гол 2004 йилдан 2017 йилгача
5. Жеф Агус 134 та ўйин 4 та гол 1988 йилдан 2003 йилгача
6. Марсело Балбоа 127 та ўйин 13 та гол 1988 йилдан 2000 йилгача
7. Демаркус Бисли 126 та ўйин 17 та гол 2001 йилдан 2017 йилгача
8. Тим Ҳовард 121 та ўйин 0 гол 2002 йилдан 2017 йилгача
9. Жози Алтидор 115 та ўйин 42 та гол 2007 йилдан 2009 йилгача
10. Клаудиё Рейна 112 та ўйин 8 та гол 1994 йилдан 2004 йилгача.

Терма жамоа сафида энг кўп гол урган футболчилар:
1. Лендон Донован 57 та гол 157 та ўйинда 2000 йилдан 2014 йилгача
2. Клинт Демпси 57 та гол 141 та ўйинда 2004 йилдан 2017 йилгача
3. Жози Алтидор 42 та гол 115 та ўйинда 2007 йилдан 2009 йилгача
4. Эрик Уайналда 34 та гол 106 та ўйинда 1990 йилдан 2000 йилгача
5. Браян Макбрайд 30 та гол 94 та ўйинда 1993 йилдан 2006 йилгача
6. Жо Макс Мо 24 та гол 100 та ўйинда 1992 йилдан 2002 йилгача
7. Кристиан Пулишич 21 та гол 52 та ўйинда 2016 йилдан ҳозиргача
8. Брюс Мюррей 21 та гол 85 та ўйинда 1985 йилдан 1993 йилгача
9. Эдди Жонсон 19 та гол 63 та ўйинда 2004 йилдан 2014 йилгача
10. Ирни Стюарт 17 та гол 101 та ўйинда 1990 йилдан 2004 йилгача

АҚШ футболи бугунги кунда

Америка Қўшма Штатлари терма жамоасини 2018 йилдан бери Грег Берҳалтер бошқариб келмоқда. Жамоа айнан ўша йилги муваффақияцизликдан сўнг, мураббийини алмаштиришга қарор қилди. Яъни Россиядаги мундиалда иштирок этиш имкониятидан маҳрум бўлган.

Шунигдек, Берҳалтер бошчилигида 2022 йилги Қатарда бўлиб ўтадиган футбол бўйича Жаҳон чемпионатига оcеан орти юрти вакиллари йўлланмага эга чиқди. Саралашда Қўшма Штатлар CONCACAF саралашида 7-3-4 рекорди билан учинчи ўринни эгаллади.

2018 йил июн ойида 2026 йилги футбол бўйича Жаҳон чемпионати АҚШ, Канада ва Мексикага топширилди ва бу учала давлатга автоматик равишда саралашдан ўтиш ҳуқуқини берди.

АҚШ терма жамоасининг бугунги кундаги таркиби:

Дарвозабонлар: Мет Тюрнер, Зак Штефен, Итан Ҳовард, Шон Жонсон.
Ҳимоячилар: Энтони Робинсон, Уокер Зиммерман, Арон Лонг, Мил Робинсон, Регги Кеннон, Сержинё Дест, Деандре Едлин, Кемерон Картер-Викерс, Крис Ричардс, Жо Скалли, Шакил Мур, Сем Вайнс, Марк Маккензи, Эрик Палмер-Браун, Жорж Белло.

Ярим ҳимоячилар: Тайлер Адамс, Кристиан Пулишич, Уестон Маккенни, Келлин Акоста, Брендон Аронсон, Лука де ла Торре, Жиованни Рейна, Малик Тиллман, Кристиан Ролдан, Жанлука Русио, Жонни Кардозо.

Ҳужумчилар: Юнус Муса, Тимоти Веа, Жесус Феррейра, Рикардо Пепи, Жордан Моррис, Пол Арриола, Ҳажи Райт, Жордан Пефок Сибетчеу, Жош Сажент.

АҚШ терма жамоасини олдинда кутиб турган ўйинлари

Бу йилги Қатарда бўлиб ўтадиган футбол бўйича Жаҳон чемпионати гуруҳ босқичида АҚШ “C” гуруҳида Англия, Эрон ҳамда Уелс терма жамоалари билан бир қаторда жойлашган.

• АҚШ
• Футбол
• Жаҳон чемпионати
• факт