Франция пойтахти Париж шаҳри мезбонлик қилган XVII Паралимпия ўйинлари якунланди. Ушбу мусобақани Ўзбекистон делегацияси умумжамоа ҳисобида 13-ўринда тугатди.

Делегация ўз тарихида медаллар сифати бўйича энг яхши натижасини қайд этиб, 10 та олтин, 9 та кумуш ва 7 та бронза, жами 26 та медаль тўплашга эришди.

Ўзбекистондан тепароқ ўринни банд этган Германия ва Канада жамоалари ҳам 10 та олтин медалга эга чиқди, бироқ мазкур давлатлар вакиллари кумуш медалларнинг кўплиги эвазига 10 ва 11-ўринни банд этди.

Эслатиб ўтамиз, Ўзбекистон делегацияси бугун, 9 сентябрь куни мамлакатга қайтиб келади. Делегация аъзоларидан иборат самолёт маҳаллий вақт билан 17:00 да Тошкент халқаро аэропортига қўниши кутилмоқда.

• Паралимпия