Айни пайтда «Ал Насср» клуби футболчиси ҳисобланган Жалолиддин Машарипов Мисрнинг «Ал Аҳли» клуби билан келишув имзолаган.

Икки клуб ўртасида трансфер ҳам ҳал бўлган. Бу ҳақда Мисрнинг KingFut нашри саудиялик инсайдер Абдулазиз Алзамилга таянган ҳолда хабар берган.

Маълумотларга кўра, Африканинг энг совриндор клуби ўзбекистонлик футболчини 600 минг долларга сотиб олиш ҳуқуқи билан ижарага олмоқда.

Тўла трансфер эса 2 млн. долларга амалга ошади. Шунингдек, 28 ёшли ўйинчи янги жамоасида йилига 1,5 млн. доллар ишлаб топиши айтилмоқда.

Маълумот учун, 28 ёшли футболчи ўтган мавсум «Ал Насср» таркибида 2 та гол ва 5 та ассист қайд этган.

Қайд этиш мумкин, вингер 2021 йилнинг январида «Пахтакор»дан «Ал Насср»га ўтган эди. У ижара асосида маълум вақт «Шабаб Ал Аҳли» (БАА)да тўп тепди.

• Футбол
• Жалолиддин Машарипов
• Ўзбекистон
• Трансферлар