Ноябрдан бошлаб пойтахт жамоат транспортида янги, қўшимча ва рағбатлантирувчи тарифлар жорий этилмоқда. Эндиликда йўловчилар автобус ва метрога 1 400 сўм эмас, 2 минг сўм йўлкира тўлайди. Бу ҳақда “Тошшаҳартрансхизмат” АЖ матбуот хизмати хабар бермоқда.

Қайд этилишича, бунда нақд пул шаклида ёки банк карталарти орқали тўлов қилувчиларга йўл ҳақи 2 000 сўмдан, АТТО транспорт карталаридан фойдалаунвчиларга эса 1 700 сўмдан тушади.

Нақдсиз тўлов ва бир соат ичидаги алмашишлар учун имтиёзли нархлардан фақат транспорт карталари эгалари фойдалана олади. Яъни АТТО транспорт карталаридан фойдаланган ҳолда бир соат ичида иккинчи маротаба автобусдан фойдалансалар йўл ҳақи учун 700 сўм тўланади. Бир соат давомида йўловчилар автобусдан учинчи ва тўртинчи маротаба маълум бир манзилга ҳаракатланиши мутлақо бепул бўлади.

“Тошшаҳартрансхизмат” АЖга кўра, метродаги алмашишлар нархи автобусникидан бироз фарқ қилади. Бу борада аниқ маълумотлар берилиши айтилди.

• Автобус
• Метро
• Нарх-наво
• Тошшаҳартранс