Бугун, 17 сентябрь куни Жанубий Африкада мактаб автобуси ва юк машинаси иштирокида автоҳалокат юз берди.

Қайд этилишича, воқеа Жанубий Африканинг шарқий қисмида жойлашган Понгола ва Итшележуба шаҳарчалари оралиғидаги йўлда содир бўлган. Юк машинаси ҳайдовчиси бошқарувни йўқотган ва автобус устига қулаган. Автобусда жами 19 нафар бола ва яна иккита ёши катта фуқаро бўлган.

Уларнинг бари автоҳалокат қурбони бўлишган. Маҳаллий шошилинч тиббий ёрдам вакили Роберт Маккензининг таъкидлашича, автобусдаги болалар 5 ва 12 ёш оралиғида бўлган.

“Мактабдан уйига қайтаётган болалар 5 ёшдан 12 ёшгача эди. Автоҳалокатнинг аниқ сабаби номаълум, аммо бу полиция томонидан тезда аниқлаштирилади”, – дейди у.

• Avtohalokat
• Janubiy Afrika
• O'lim