“Ҳокимиятдан четлатилган президент Юн Сок Ёлга қарши давлат тўнтариши ва ваколатларни суиистеъмол қилиш бўйича иш юқори лавозимли амалдорлар ўртасида коррупцияга қарши тергов бошқармаси томонидан прокуратурага топширилди”, – дея хабар бермоқда Yonhap ахборот агентлиги.

Коррупцияга қарши тергов бошқармасининг айблов қўйиш ваколати йўқ, лекин шубҳаларни ўрганиб, тегишли хулосалар бера олади. Тергов бошқармаси ўз хулосасида прокуратурадан Юн Сок Ёлга давлат тўнтариши ва ваколатларни суиистеъмол қилиш бўйича айбловлар қўйишни сўраган.

Эслатиб ўтамиз, 2024 йил 3 декабрь куни Юн Сок Ёл Жанубий Кореяда ҳарбий ҳолат жорий қилиш ҳақида эълон қилган эди. Мамлакат парламенти бу қарорни тезда бекор қилиб, 14 декабрь куни Юнга нисбатан импичмент эълон қилганди. Ҳокимиятдан четлатилган давлат раҳбари суд ордери билан 15 январь куни иккинчи уринишда қўлга олинган.

• Janubiy Koreya
• Президент
• Прокуратура