Ўзбекистоннинг Корея Республикасидаги элчихонаси ушбу мамлакатдаги ўзбекистонликларни турли митинглар, намойишлар ва оммавий йиғинларда иштирок этмасликка чақирмоқда.

Хабар берилишича, шу кунларда Жанубий Кореяда мамлакат фуқаролари иштирокида йирик намойишлар ва митинглар бўлиб ўтмоқда.

Шу сабабдан, элчихона мамлакатда бўлиб турган фуқароларни огоҳликка, турли намойишлар ва оммавий йиғинларда иштирок этмасликка, одамлар гавжум жойларга бормасликка, бўлиб турган мамлакат қонун-қоидаларини ҳурмат қилишга ва маҳаллий ҳокимият органларининг кўрсатмаларига амал қилишга чақирган.

Шунингдек, зарурат бўлган ҳолатда қуйидаги телефон рақамларига мурожаат қилиш сўралган:

+82 10 3213 4505;

+82 10 2909 4334;

+82 2 574 6554.

• Janubiy Koreya