Кеча, 7 август куни Жанубий Осетия президенти Алан Гаглоев 2008 йилги Грузия агрессиясига бағишланган навбатдаги мотам акциясидан сўнг журналистларга Тсхинвалининг келажагини Россия билан бирга қуришини айтди.
«Биз Россия туфайли эртанги кунга қараймиз. Республикамиз қандай тикланаётганини барчангиз кўриб турибсиз, ишонч бор, куч бор. Эртанги кунимизни Россия билан қурамиз», – дейди Гаглоев.
Республика раҳбари Украинадаги махсус операцияни Жанубий Осетия воқеалари билан солиштириб, операциянинг мақсади Донетск ва Луганск Халқ республикаларини ҳимоя қилиш эканлигини таъкидлади.
«У ерда аскарларимиз биргаликда ҳақиқат, адолат ва бизда мавжуд бўлган ҳамда биз қадрлайдиган умумий тарихни ҳимоя қилади», — деди президент.
Маълумот учун, 2008 йилнинг август ойида беш кун давом этган Грузия-Россия урушидан сўнг, 26 август куни Россия Федерацияси Жанубий Осетия ва Абхазия суверенитетини тан олган эди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!