Жиноят ишлари бўйича Шайхонтоҳур туман судининг 2025 йил 13 январь кунги қарорига кўра, Ижтимоий тармоқларда “Жасжан” номи билан танилган Ж.Шодиев ва С.Саидова 2025-йил 11 январь куни соат 12:00 ларда “Ҳилтон” меҳмонхонаси олдида, жамоат жойида бўла туришиб, ўзаро жанжал қилишганлиги, бир-бирларини ҳақорат қилишганлиги ҳақида видео лавҳа олишиб, шу ерда бўлган фуқароларнинг тинчлигини бузиб, майда безорилик ҳуқуқбузарлигини содир этишган.

Судда айбига иқрор бўлиб тушунтириш берган Ж.Шодиев ва С.Саидова, “Ҳилтон” меҳмонхонаси олдида “салбий қиз ва салбий бола” ролини, бир-бирларини ҳақорат қилиб, ўзаро жанжаллашганлик ҳолатини видеога олишганини баён қилган.

Суд Ж.Шодиевга (“Жасжан”га) 5 сутка маъмурий қамоқ, С.Саидовага БҲМнинг 1 баравари миқдорида маъмурий жарима жазоси тайинланган.

• Блогер
• Жиноят
• Суд