Яшнобод туманида ИИВ Тезкор қидирув департаменти ходимлари томонидан Вазирлик Жазони ижро этиш департаменти ва Шахсий хавфсизлик бош бошқармаси билан ҳамкорликда тезкор тадбир ўтказилди.

Тезкор тадбир давомида 1976 йилда туғилган муқаддам судланган икки нафар шахс ушланган. Улар Бука туманидаги 43 сонли манзил колониясида жазо муддатини ўтаётган таниши орқали ушбу манзил колониясидаги яна бир маҳкумни Оҳангарон ёки Олмалиқ шаҳридаги манзил колонияларидан бирига ўтказиб беришни ваъда қилишган. Улар ушбу “хизматлари” эвазига 1.000 АҚШ доллари миқдоридаги пулларни олган вақтида ашёвий далиллар билан ушланган. Бу ҳақда ИИВ матбуот хизмати хабар берган.

Шунингдек, ҳозирда мазкур ҳолат юзасидан жиноят иши қўзғатилган.

• Jazo
• Жиноят
• Маҳкум