“Alibaba” компанияси асосчиси Жек Ма Токио университети қошидаги коллеж профессорига айланди. Эндиликда тадбиркор талабаларга бизнесни йўлга қўйиш ва бошқарув бўйича маърузалар ўқийди, шунингдек тадқиқотлар йўналишида устозлик қилади.

Коллежнинг тадбиркор билан тузган шартномаси жорий йилнинг октябрь ойида тугайди, аммо шартнома муддатини узайтиришлари эҳтимоли катта эканлиги айтилмоқда.

Маълумот учун, Жек Ма 2022 йилнинг октябрь ойида бўлиб ўтган Шанхай форумида Хитой ҳукуматини танқид қилганидан сўнг омма қаршисида камдан-кам кўриниш бераётган эди. Хитой ҳукуматининг тадбиркорга жавобидан кейин у мамлакатни тарк этган ва бир муддат Токио шаҳрида яшаган. 2023 йилнинг март эса ойида Хитойга қайтишга қарор қилган. Айтишларича, бунга Хитой коммунистик партиясининг собиқ амалдорлари ва ҳамкасблари Ма билан боғланиб, тадбиркорни она юртига қайтиш ҳамда мамлакат ривожига ҳисса қўшишга ундаганлари сабаб бўлган.

• Alibaba
• Жаҳон
• Хитой
• Япония
• миллиардерлар
• хабар