Ижтимоий тармоқларда Жиззах шаҳрида бир ҳомиладор аёл калтаклангани акс этган видеотасвирлар тарқалди. Мазкур ҳодиса юзасидан Жиззах вилояти ИИБ матбуот хизмати муносабат билдирди. Ҳодиса ўрганилганида, жорий йилнинг 18 март куни Мирзо Улуғбек номли маҳаллада Қ.С  Ш.Н билан қарз масаласида низога бориб, уни уриб тан жароҳати етказилгани аниқланган.

Тайинланган суд тиббий экспертизаси фуқарога соғлиғининг бузилишига олиб келган енгил тан жароҳатлари етказилганлигини тасдиқлади. Ўз навбатида, мазкур ҳолат юзасидан шаҳар ИИБ ҳузуридаги тергов бўлими томонидан Ўзбекистон Республикаси Жиноят кодексининг 109-моддаси 1-қисми билан жиноят иши қўзғатилиб, дастлабки тергов ҳаракатлари олиб борилмоқда.

• Жиззах
• Ўзбекистон