Жиззах шаҳрида юк машинаси Lacetti ва йўловчи микроавтобус билан тўқнашиши оқибатда 3 нафар фуқаро вафот этди. Шунингдек, яна 13 киши жароҳатланган. Бу ҳақда вилоят Йўл ҳаракати хавфсизлиги бошқармаси хабар бермоқда.

Қайд этилишича, ҳолат 18 март куни шаҳарнинг Нурлиобод маҳалласидан ўтган А376 халқаро автомобиль йўлида содир бўлган. Ҳаракатланиб келаётган юк автомашинаси ўзи билан бир йўналишда чапга бурилмоқчи бўлган Lacetti ва қарама-қарши томонда келаётган йўловчи микроавтобус билан тўқнашган.

Оқибатда 1 нафар фуқаро воқеа жойида вафот этган, 15 нафар фуқаро Республика шошилинч тиббий ёрдам илмий маркази Жиззах филиалига олиб борилган. Кўрсатилган ёрдамларга қарамасдан яна 2 нафар фуқаро шифохонада вафот этган.

“Юк машинаси агар ўнг томондан ҳаракатланганида, 5.8.7 йўл белгисига амал қилганида бу ҳолат бўлмас эди”, – дейди ЙҲХБ вакили.

• Жиззах