«Рома» бош мураббийи «бўрилар»нинг «Удинезе»га 0:4 ҳисобидаги мағлубиятини изоҳлади.

«Қийин ўйин, бундай ўйинларда қандай ҳаракат қилишни биладиган қийин рақиб.

Бундай ўйинларда ҳисобда ортда қолиб бўлмайди, чунки рақиб жуда яхши ҳимояланади, қарши ҳужумларга ўтади, тезликни назорат қила олади, тактик қоидабузарликларни амалга оширади. Демак, сиз ҳисобда орқада бўлсангиз, муаммога дуч келасиз.

Учрашув бошида Пауло Дибалада гол уриш учун ажойиб имконият пайдо бўлди. Пауло, натижага қарамасангиз, майдоннинг энг яхши футболчиси эди. «Удинезе» ҳар сафар қарши ҳужумга ўтганда гол урди.

Мен тўртта ўйинда 0:1 ҳисоби ютқазгандан кўра, битта ўйинда 0:4 ҳисобида мағлуб бўлишни афзал кўраман, чунки якунда биз 12 эмас, атиги уч очко йўқотдик», — деди португалиялик мутахассис.

Матбуот анжуманида мутахассислар Моуринёга яна бошқа саволлар беришга ҳаракат қилишган, бироқ мураббий суҳбатни тўхтатиб, жамоаси билан кийиниш хонасига қайтмоқчи бўлган.

• Фикр
• Футбол
• Моуринё
• Рома