Маълумотлрга кўра, келажакда дунё яна бир пандемияга дуч келиши мумкин, аммо ундан вабо каби қўрқишнинг ҳожати йўқ. Бу ҳақда Жаҳон соғлиқни сақлаш ташкилотининг (ЖССТ) Россиядаги махсус вакили Мелита Вуйнович “ТАSS”га маълум қилди.

Мутахассиснинг фикрича, пандемия циклик ҳодисадир. Бироқ қайси вақтдан кейин яна пайдо бўлишини олдиндан айтиб бўлмайди. Мутахассиснинг тушунтиришича, авваллари вабони (холера) карвон ёки сайёҳ олиб юрган бўлса, ҳозир ҳамма доимий саёҳат ва ҳаракатда. Шу муносабат билан инфексия, айниқса, одамлар кўп бўлган жамоат жойларида тезроқ тарқалади.

Вуйнович гигиена чоралари, яхши эпидемиологик назорат, генетик тадқиқотлар ва бошқа воситалар муҳимлигини билдирди. Уларнинг ёрдами билан, хусусан, патогеннинг генетик тузилиши билан одамларнинг бир жойда ёки турли жойларда вирус юқтирганини аниқлаш мумкин.

Шунингдек, у коронавирусни эслаб, бу пандемия одамларга кўп нарсани ўргатганини, унинг иқтисодиёт ва жамиятга қандай таъсир кўрсатиши аниқ эканини таъкидлади.

Вуйновичнинг сўзларига кўра, илм-фан Россия ва бошқа мамлакатларда дори воситалари қандай яратилганини кўрсатди, бу эса вирусга қарши курашиш имконини берди.

У янги инфексия пайдо бўлиши ва тарқалиши мумкинлиги, аммо фобия аввалгидек бўлмаслигини айтди.

“Ҳа, эҳтиёт бўлиш керак, лекин қўрқишнинг ҳожати йўқ. Сиз шунчаки соғлиқни сақлаш ва назорат тизимига таянишингиз керак, бу сизга тез реаксияга киришиш ва аҳолини ҳимоя қилиш имконини беради”, — деди у.

СОВИД-19 мавзусини давом эттирар экан Вуйнович ҳозирги вақтда янги штаммда вируснинг 30 дан ортиқ мутацияси қайд этилганини, аммо вакцина оғир касалликлардан ҳимоя қилишини таъкидлади.

Унинг сўзларига кўра, омикрон штаммининг навларидан бири эндиликда ташвиш туғдираётган ва кузатув остида бўлган янги мутация сифатида аниқланган. Бироқ ЖССТ махсус вакилининг сўзларига кўра, у жиддийроқ касалликларни келтириб чиқармайди, лекин диққат билан кузатилмоқда.

• COVID-19
• ЖССТ
• пандемия