Сўнгги маълумотларга кўра, олов 160 километр квадратдан ортиқ майдонга тарқалган.

Калифорнияда ўрмон ёнғинлари оқибатида етказилган зарар миқдори 250-275 миллиард долларга етиши мумкин. Бу ҳақда метеорологик маълумотларни тақдим этиш билан шуғулланувчи AccuWeather ҳисоб-китобларида баён этилган.

“Бу Калифорния тарихидаги энг даҳшатли ўрмон ёнғинларидан бири. Агар яқин кунларда янада кўпроқ иншоотлар ёниб кетса, ўрмон ёнғинлари кулга айланган бинолар ва иқтисодий йўқотишлар бўйича штатнинг замонавий тарихидаги энг йирик офатга айланади”, — дейди AccuWeather бош метеорологи.

Унинг қўшимча қилишича, ёнғин оқибатида мамлакатга дастлабки ҳисоб-китобларга кўра, 250-275 миллиард доллар зарар етган. Ҳозирда, Лос-Анжелес аҳолиси, уларнинг уйлари, маҳаллий бизнес ва туризм учун хавф сақланиб қолмоқда. Бундан ташқари, айрим ҳудудларга етказилган зарар кўлами ҳозирча номаълум.

Энг йирик ёнғинлардан бири айни вақтда Санта-Моника ва Малибу шаҳарлари орасидаги ҳудуд бўйлаб ёйилган — у ердан АҚШдаги энг қиммат турар-жой бинолари ўрин олган. Аланга мазкур ҳудудда 95,9 километр квадрат майдонга тарқалган.

• Kaliforniya
• ёнғин