Канада ҳукумати Украина ҳарбийларини ўқитиш учун муҳандислик-сапёр қўшинларидан 40 нафар мутахассисни Полшага юборади.

“Бугун мен Канада келгуси ҳафталарда Полшага 40 га яқин сапёр юборишини эълон қиламан, бу Полша қўшинларига Украина сапёрларини муҳандислик разведкаси, портловчи моддалар, қазиб олиш ва миналардан тозалаш бўйича ўқитишда ёрдам беради”– деди Канада мудофаа вазири Анита Ананд.

Аввалроқ, Германия канслери Олаф Шолс Канада ва Германия Украинага ҳаво ҳужумидан мудофаа тизимлари, ўқ-дорилар ва граната отиш мосламаларини ўз ичига олган янги ҳарбий ёрдам пакетини келишиб олганлигини айтган эди.

Томонлар, шунингдек, Канададан Германияга фойдали қазилмалар ва суюлтирилган газни етказиб бериш масалаларини муҳокама қилишни режалаштирмоқдалар.

Бунгача Германия иқтисодиёт ва иқлимни муҳофаза қилиш вазири Роберт Хавбек Россиядан Германияга газ етказиб беришни янада қисқартиришни кутаётганини айтди.

• Германия
• Канада
• Россия
• Украина