Шимолий Корея раҳбари Ким Чен Ин бир неча минг шимолий кореялик аскарини йўқотганидан сўнг, Украинага қарши урушда қатнашиш учун Россияга қўшимча қўшин юборишга қарор қилди. Бу ҳақда “Ренхап” ахборот агентлиги Жанубий Корея қўшинлари қўмондонлигига таяниб хабар берди.

Маълум бўлишича, 11 минг кишини ташкил этувчи биринчи гуруҳ юборилганига деярли тўрт ой бўлди. Бу вақт ичида у учдан бирга қисқарди ва бир нечта Шимолий Корея аскари асирга олинди. Шунга қарамай, КХДР Россия армиясига ёрдам бериш учун қўшимча кучларни юборишга тайёргарликни кучайтирган.

Аввалроқ, Москва Пхенянга ҳар бир аскар учун икки минг доллар тўлаётгани маълум қилинганди, бу КХДР фуқаросининг 83 йиллик маошига тенг.

• Kim Chen In
• Путин
• Россия
• Shimoliy Korea
• Украина
• Уруш