Россия Федерацияси Қуролли кучларининг радиация, кимёвий ва биологик ҳимоя қўшинлари бошлиғи Игор Кириллов ва унинг адъютантини ўлдириш бўйича ҳибсга олинган Ўзбекистон фуқароси Аҳмаджон Қурбоновнинг қотилликда иштироки қурбонлар ва гувоҳларнинг кўрсатмалари билан тасдиқланган.

Бу ҳақда, ТАСС нашри хабар бермоқда.

Маълумотга кўра, Қурбонов Россия Жиноят кодексининг учта моддаси бўйича айбланмоқда: 105-модда (қасддан одам ўлдириш), 205-модда (террористик ҳаракат) ва 222-модда (қуролни қонунга хилоф равишда қўлга киритиш, бериш, сотиш, сақлаш, ташиш, жўнатиш ёки олиб юриш).

Нашрнинг хабар беришича, Қурбонов Россия федерацияси жиноят қонунчилигида умрбод қамоқ жазоси назарда тутилган ўта оғир жиноятларни содир этган.

Қурбоновнинг жиноят воқеалари ва унга алоқадорлиги тўғрисидаги маълумотларнинг етарлилиги жабрланувчилар ва гувоҳларнинг кўрсатмалари, воқеа жойини, буюмлар ва ҳужжатларни текшириш, жиноят иши бўйича бошқа далиллар билан биргаликда тасдиқланади. Москванинг басман суди 19 декабрда Қурбоновни 2025 йил 17 февралгача қамоққа юборган.

• Жиноят
• Қамоқхона
• Россия