Украина президенти Владимир Зеленский Россиянинг баллистик ракета билан ҳужумига муносабат билдирди.

“Путин янги баллистик ракета ишлатиб Украинанинг энг йирик шаҳарларидан бири бўлган Днепр шаҳримизга зарба берди. Бу урушнинг кўлами ва шафқатсизлигининг аниқ ва жиддий ўсиши ва Россиянинг БМТ низомини беадаблик билан бузишидир. Ва мен таъкидлайман: бу Россиянинг бир йил ичида эскалацияга иккинчи қадами. Биринчи бундай қадам Шимолий Кореянинг Украинага қарши урушда иштирок этиши эди – камида 11 минг аскардан иборат контингент.

Путин урушни кенгайтирмасликка чақирадиган дунёдаги барчани эътиборсиз қолдириб, бу иккала қадамни ҳам қўйди. У Хитой, Бразилия, Европа мамлакатлари, Америка ва дунёнинг бошқа барча мамлакатлари нимага чақираётганига аҳамият бермайди. Путин бу урушни бошлаган ягона одам-мутлақо асоссиз уруш ва урушни минг кундан ортиқ давом эттириш учун ҳамма нарсани қилмоқда. Украинага қарши бугунги баллистик ракета Россия тинчликни истамаслигининг яна бир далилидир.

Россия ракеталари бизнинг шаҳарларимизга урилганда, Эрон ракеталари ҳар кеча Украинага ҳужум қилганда, Шимолий Кореядан келган контингент бизнинг чегарамизга жойлаштирилганда, Путин нафақат урушни узоқроқ қилади. Дунё бунга муносабат билдириши керак. Ҳозир дунёдан кучли реакция йўқ. Путин бунга жуда сезгир. У сизни текширмоқда, азиз шериклар”, – деган Зеленский.

• Россия
• Украина
• Зеленский