Колумбия ғарбидаги Чоко департаментида ҳарбий вертолёт қулаши оқибатида тўрт нафар аскар ҳалок бўлди.

Колумбия армияси маълумотларига кўра, дум рақами ЭЖC 4227 бўлган ҳарбий вертолёт Кибдо шаҳри яқинидаги ўрмонзорга қулаган.

Ҳодиса оқибатида ҳалок бўлганлар икки офицер ва икки бригадирдир.

Колумбия Президенти Густаво Петро ҳалок бўлган аскарларнинг оила аъзоларига ҳамдардлик билдирди.

“Афсуски, омон қолганлар йўқ. Мен мутасаддиларга зудлик билан воқеа жойига жўнаб кетишни буюрдим”, — деди давлат раҳбари.

Колумбия ОАВлари вертолёт ҳалокатига механик носозлик сабаб бўлганини ёзмоқда.

Ижтимоий тармоқларда вертолёт ҳалокатга учраган лаҳзанинг гувоҳлар томонидан суратга олинган видеоси эълон қилинди.

• Авиаҳалокат
• Колумбия