Жорий йилнинг 18 сентябрь куни Тошкент шаҳар Шайхонтоҳур тумани судида ёпиқ маҳкама жараёнида суд музокараси бўлиб ўтди.

Унга кўра, прокурор Ўзбекистон Республикаси ЖКнинг туҳмат, ҳақорат ва товламачилик моддалари билан судланаётган “Human.uz” сайти асосчиси ва раҳбари Хуршид Далиев ва “Ўзбекнефтгаз” ширкати матбуот котиби Сиёвуш Ҳошимовларни 15 йилга озодликдан маҳрум этиш ва 3 йилга журналистик фаолият билан шуғулланишни тақиқлашни сўраган.

Шунингдек, ўтган ҳафта прокурор Бандлик ва меҳнат муносабатлари вазирлигининг собиқ матбуот котиби, журналист Мавжуда Мирзаевага 3 йил давомида профессионал касбий фаолият билан шуғулланишни тақиқлаб, уни 6 йилга озодликдан маҳрум қилиш билан жазолашни сўраганди.

Судланувчилар шу йилнинг 24 январида қамоққа олинган ва ДХХнинг “Гвардейский” номи билан аталувчи тергов изоляторида сақланиб келмоқда.

Қайд этилишича, “Kompromаtuzb иши” юзасидан шу пайтга қадар 10 дан ортиқ гумондорлар ҳибсга олинган. Ҳозирда мазкур иш бўйича айбланувчилардан 5 нафарининг исми жамоатчиликка маълум.

• ДХХ
• Shayboniyxon
• Суд
• Тошкент