“Конго Демократик Республикасида моторли ёғоч қайиқ ёниб кетиши ва ағдарилиши натижасида камида 148 киши ҳалок бўлгани аниқланган. Хабарларга кўра, кемада ағдарилиш вақтида 500 га яқин йўловчи, жумладан, аёллар ва болалар ҳам бўлган”, – дея хабар бермоқда Reuters.

Агентликнинг қайд этишича, эски ёғоч кемалар қишлоқлар ўртасида асосий транспорт воситаси ҳисобланади ва кўпинча белгиланган сиғимдан анча ортиқча юкланади.

“HB Kongolo номли кема Мбандака шаҳри яқинида ёниб кетган. Яқинлари омон қолган 100 га яқин киши маҳаллий ҳукумат биносида ташкил этилган вақтинчалик бошпана жойига олиб кетилган, жароҳатланганлар эса касалхонага етказилган”, – деб хабар беради Sky News.

Associated Press ахборот агентлиги маълумотига кўра, ёнғин кемада аёллардан бири овқат пишираётганда бошланган. Бу ҳақда дарё комиссари маълум қилган.

• Halokat
• Kema
• Kongo
• ёнғин