Ўзбекистон гидрометеорология хизмати маълумотларига кўра, 2025 йилнинг 8 мартидан 14 мартигача бўлган даврда Тошкентда ўртача суткалик ҳарорат 11,6 даражадан (минимал – 9 даража 8 мартда, 14 мартда максимал – 13,1 даража) бўлган.

Ўзбекистон Республикаси Вазирлар Маҳкамасининг 2014 йил 15 июлдаги “Кўп қаватли уйларда иссиқлик таъминоти хизмати кўрсатиш тартиблари тўғрисида”ги 194-сон қарорига кўра, ўртача суткалик ҳаво ҳарорати кетма-кет беш кун мобайнида 8 даража даражада сақланиб турса, иситиш мавсуми якунланади. Ушбу қарорга асосланиб, Тошкент шаҳри ҳокимлиги тез орада 2024–2025 йиллар учун иситиш мавсумини ёпиш ҳақида қарор қабул қилади.

Маълум қилинишича, иситиш мавсуми якунлангач, кейинги мавсумга тайёргарлик кўриш ишларининг муҳим босқичи бошланади.

“Веолиа Energy Tashkent” МЧЖ ХК компанияси йилнинг совуқ мавсумида иссиқлик таъминоти янада барқарор ва сифатли бўлиши учун иссиқлик тармоқлари, маҳаллий қозонхоналар ва насос станцияларида жорий ҳамда капитал таъмирлаш ишларини олиб боради.

“Квартиралар эгалари эса хонадондаги батареялар яхши ҳолатда бўлишига эътибор қаратишлари керак, чунки кейинги иситиш мавсумидаги қулайлик шунга боғлиқ бўлади. Биз хонадонингиз йилнинг совуқ даврида иссиқ ва шинам бўлиши учун иситиш радиаторларини ювдиришни тавсия қиламиз”, – дейди Veolia Energy Tashkent.

• Qish mavsumi