Bugun.uz' нинг маълум қилишича, Ўзбекистон давлат хавфсизлик хизмати томонидан бутун мамлакат бўйлаб ўтказилган йирик операция давомида турли жиноий гуруҳларнинг юзлаб оддий ва юқори мартабали аъзолари, жумладан, “криминал авторитет”лар панжара ортига жойлаштирилган.

Хусусан, “Бахти Ташкенцкий” ва “Бахти Янгиободский” лақаблари билан машҳур бўлган 52 ёшли Бахтиёр Қудратуллаев, шунингдек, унга яқин одамлар ҳам қўлга олинган.
Нова24.uz нашрининг маълумотига кўра, қўлга олинганлар орасида “Саидазиз Медгородок” лақаби билан машҳур Саидазиз Саидалиев ҳам бўлган. У билан бирга ўша пайтда унинг ёнида бўлган яна тўрт киши ҳам қўлга олинган.

Мазкур рейдлар “Humo” аренасидаги тартибсизликлар фонида Тошкентдаги ҳуқуқни муҳофаза қилувчи идоралар ҳамкорлигида ўтказилган.

Махсус хизматлар тергов давомида Миллий гвардия билан тўқнашув иштирокчилари орасида Тошкент ва Ўзбекистоннинг бошқа шаҳарларидан келган жиноий гуруҳларининг кўплаб вакиллари борлигини аниқлаган. Шунингдек, тезкор ходимларнинг сўзларига кўра, айнан мафия қалбаки чипталар савдоси билан боғлиқ бўлган.

Маълумотларга кўра, Jah Khalib концертига жами 12 минг киши келган, бироқ атиги 9 минг киши ҳақиқий чиптага эга бўлган, қолган чипталар сохта бўлган.

Bugun.uz манбасига кўра, махсус операцияга тайёргарлик бир неча ой олдин бошланган ҳамда махсус хизматлар рейднинг барча деталларини аниқ ишлаб чиққан бўлган.
Humo arena яқинидаги тартибсизликлардан сўнг республиканинг барча ҳуқуқ-тартибот идоралари раҳбарияти билан бир неча бор ёпиқ мажлислар ўтказилиб, махсус операцияни тезлаштиришга қарор қабул қилиниб, кенг кўламли тозалаш операцияси бошланган.

Эслатиб ўтамиз, қозоғистонлик машҳур репернинг концертига минглаб одамлар қалбаки чипталар ёрдамида киришга уринган, уринишлар тартибсизликларга айланиб кетганди. Ҳумо арена яқинида содир бўлган тартибсизликлар вақтида бир неча киши жароҳат олгани хабар қилинганди.

• Жиноят
• Миллий гвардия