Калифорниядаги ўрмон ёнғинлари учинчи куни давом этмоқда. Қуруқ ва шамолли об-ҳаво туфайли олов билан курашиш деярли имконсиз. Голливуд юлдузларининг ҳашаматли қасрлари ёниб кетди.

“Бу мен ҳаётимда кўрган энг даҳшатли ёнғин. Мен қўрқиб кетган одамларни, ногиронлар аравачасидаги одамларни, фарзандларини топишга ҳаракат қилаётган оналар ва оталарни кўрдим” – дейди машҳур актёр Стив Гутенберг.

Минглаб оддий америкаликларнинг уйлари харобага айланди. Олов аллақачон 14 минг гектарни ёқиб юборган. Калифорниянинг 400 мингга яқин аҳолиси электрсиз қолмоқда, 100 мингдан ортиқ одам эвакуация қилинди.

Шунингдек, маҳаллий баскетбол ва хоккей жамоаларининг яқин учрашувлари бекор қилинди. Оскар номзодларини эълон қилиш 17 январдан 19 январга кўчирилди.

• Los-Anjeles
• Oskar
• ёнғин