Беларус президенти Александр Лукашенко ХХР раиси Си Цзинпинни Баҳор байрами билан табриклади ва уни республикага ташриф буюришга таклиф қилди.
“Жаноби олийларини Беларус Республикасига ташриф буюришга таклиф қиламан, у ерда сиз ҳақиқий дўст сифатида танилгансиз ва қадрланасиз сизни илиқ ва самимий кутиб оламиз”, дейилади табрикномада.
Лукашенконинг таъкидлашича, ўтган йилги қийинчиликларга қарамай, томонлар биргаликда Беларус-Хитой ҳамкорлигини ривожлантиришда катта ютуқларга эришдилар. “ШҲТ саммити доирасида икки давлат манфаатларига жавоб берадиган ва мамлакатларимиз ўртасидаги дўстликни янада мустаҳкамлашга имкон берадиган икки томонлама битимларнинг таъсирчан тўплами имзоланди. Минск ва Пекин ўртасидаги муносабатлар ҳар томонлама стратегик шерикликнинг янги даражасига кўтарилди”, деди Беларус президенти.
У Минск Белорусия-Хитой муносабатларининг бутун мажмуасини янада ривожлантиришга, адолатли ва тинч глобал тартибни ўрнатиш учун халқаро майдонда ўзаро муносабатларни чуқурлаштиришга тайёр эканлигига ишонтирди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!