Ўрта вазн тоифасидаги ўзбекистонлик аралаш яккакураш устаси, собиқ UFC жангчиси Маҳмуд Мурадовнинг навбатдаги жанги бўйича тафсилотлар маълум бўлди.

34 ёшли жангчи профессионал фаолиятидаги навбатдаги жангини 8 март куни Германиянинг Штутгарт шаҳрида жойлашган “Hanns-Martin-Schleyer-Halle” мажмуасида ташкил этиладиган Oktagon 68 турнирида ўтказади. Унга октагонда бразилиялик Жоилтон Луттербач рақиблик қилади. Ушбу жанг 3 раундга мўлжалланган.

Шунингдек, оқшомнинг марказий баҳсида оғир вазн тоифасида вакант бўлиб турган Oktagon чемпионлик камари учун болгариялик Лазар Тодев ва Ирландия вакили Уилл Флёри жанг қилади.

Маълумот учун, Маҳмуд Мурадов ўзининг профессионал ММА фаолияти давомида 35 та жанг ўтказиб, 27 та ғалаба ва 8 та мағлубият қайд этган. Унинг рақиби Луттербач (32 ёш) ҳисобида эса 39 ғалаба ва 10 та мағлубият мавжуд.

• MMA
• Маҳмуд Мурадов