Ҳукумат қарори билан Вазирлар Маҳкамасининг қарорига ўзгартириш ва қўшимчалар киритилди.

Қарорга кўра, Вазирлар Маҳкамасининг 132-сон қарорига қуйидагиларни назарда тутувчи ўзгартириш ва қўшимчалар киритилган:

– умумий ўрта ва ўрта махсус, касбий таълим ташкилотлари ошхоналарини тадбиркорлик субъектларига “Э-аукцион” электрон савдо платформаси орқали танлов асосида ижарага бериш;

– “онлине-ижара.уз” ахборот тизими орқали таълим ташкилотлари ошхоналарининг ҳисобини юритиш ва уларни ижарага бериш;

– таълим ташкилотларида соғлом овқатланиш ташкил этилишини мониторинг ва назорат қилиш;

– республика ижро этувчи ҳокимият органлари номларини қонунчилик ҳужжатларига мувофиқлаштириш.

Қуйидаги талабларга жавоб берадиган ижарага олувчилар танловда иштирок этишлари мумкин:

– тадбиркорлик фаолиятини юритиш учун давлат рўйхатидан ўтган;

– умумий овқатланиш бўйича камида 6 ой давомида фаолият юритаётган;

– ошхона фаолияти йўналиши бўйича махсус жиҳозларга эга бўлган;

– шартнома ва суд ҳужжатлари бўйича зиммасида ижара ҳамда солиқ тўловларидан қарздорлиги мавжуд бўлмаган.

• Kollej
• Мактаб
• Umumiy ovqatlanish