ССВ томонидан Шайхонтоҳур туманидаги мактаб ўқувчисида аниқланган сил касаллиги бўйича юзага келган эпидемиологик вазият юзасидан қуйидагилар маълум қилинди:

2024 йилнинг 26 декабрида Шайхонтоҳур туманида жойлашган умумтаълим мактабининг 11-синф ўқувчисида сил касаллиги аниқланган. Шу куни бемор Шаҳар Болалар фтизиатрия шифохонасига ётқизилган.

Шунингдек, бемор билан мулоқотда бўлган 22 нафар ўқувчи ва мактабнинг 30 та ўқитувчиси жорий йилнинг 4 январидан бошлаб рентгенография, диаскин тест текширувларидан ўтган. Касаллик аниқланган ўқувчи эса амбулатор шароитда даволанмоқда.

Эпидемиологик суриштирув ўтказиш натижасида беморнинг оила аъзолари ҳам тегишли текширувлардан ўтказилиб, касаллик аниқланмаган.

Қайд этилишича, Санепидқўмита мутахассислари томонидан ушбу мактабда эпидемиологик ўрганишлар олиб борилиши натижасида мактабда санитария талабларининг қўпол равишда бузилиши, сил касаллиги билан касалланган беморни эрта аниқланмагани ва ўз вақтида чора-тадбирларни ташкил этилмаганлиги ҳамда педагогларнинг даврий тиббий кўрикдан ўтмаганлиги маълум бўлган.

Аниқланган камчиликлар юзасидан ушбу мактаб директорига маъмурий баённома расмийлаштирилди.

“Шу ўринда ортиқча ваҳимага ўрин йўқлигини вазият назорат остида эканлигини эслатиб ўтамиз”, – дейилади Санепидқўмита хабарида.

• Мактаб
• SSV