Қатарлик инвесторлар «Манчестер Юнайтед»ни 5 млрд. фунт стерлингга (5,7 миллиард евро) сотиб олишга тайёр.

Bloomberg агентлигига кўра, улар тегишли таклиф тайёрламоқда.

Мамлакатнинг собиқ бош вазири ва Қатар инвестиция бошқармасининг собиқ раҳбари Ҳамад бин Жасим бин Жобир Ал Тани ўз ичига олган консорциум клубни Глейзерлар оиласидан сотиб олиш бўйича таклифни якунламоқда.

Эслатиб ўтиш мумкин, «Манчестер Юнайтед» янги хўжайин изламоқда. 2005 йилдан бери клубга эгалик қилган Глейзерлар оиласи ўз активларини тўлиқ сотиши мумкин.

Аризаларни йиғиш бошланган, уларни танлаш ва кўриб чиқиш «Челси»ни сотиш бўйича ишлар билан шуғулланган банк томонидан амалга оширилади.

• Футбол
• Manchester Yunayted
• Қатар