Римдаги Бонапарт саройида 25 май кунидан бошлаб мода оламининг энг довруғли фотосуратчиларидан бири Марио Тестинонинг “Гўзал дунё” кўргазмаси ўз ишини бошлади. Бу ҳақда ЎзА хабар берди.

Тестино сўнгги етти йилни мода оламидан ташқарида янги мавзуларни излаб топишга бағишлади. Ўз ишининг моҳир устаси минтақа хусусиятларини ўрганган ҳолда мамлакатларнинг маданий қадрият тизимларидан илҳомланиб, янги кўргазма асосини ташкил этган бетакрор фотосуратларни тўплади.

Бонапарт саройидаги кўргазмада Марио Тестинонинг Ўзбекистон бўйлаб амалга оширган экспедициялари мобайнида тасвирга туширган асарлари намойиш этилмоқда. Шунингдек, улар орасида Қорақалпоғистон, Сурхондарё ва Бухоро келинлари ҳамда курашчи полвоннинг суратлари ўрин олган.

• Намойиш
• Rim
• Санъат