Марказий Осиёда минтақалараро товар айирбошлаш ҳажми ўтган беш йил ичида (2019-2024) 11 миллиард долларга етди. Бу ҳақда Қозоғистон савдо ва интеграция вазири Арман Шаккалиев хабар берди.

Шаккалиев Марказий Осиё савдо сиёсати бўйича иккинчи форумида тегишли маълумот билан бўлишди. Форум Жаҳон савдо ташкилоти (ЖСТ) котибияти шафелигида Осиё тараққиёт банки (ОТБ), Халқаро савдо маркази (ХСМ) ва Қозоғистон ҳукумати иштирокида ўтказилди.

“Сўнгги йигирма йил давомида минтақа ялпи ички маҳсулотининг йиллик ўсиш суръати 6,2 фоизни ташкил этиб, 350 миллиард долларлик кўрсаткичдан ошди”, — дейди савдо вазирининг биринчи ўринбосари Айжан Бижанова.

У Қозоғистоннинг халқаро савдода ишончли ҳамкор сифатидаги обрўсини мустаҳкамлаш ва мамлакатнинг сармоявий жозибадорлигини ошириш учун ЖСТга аъзо бўлиш муҳимлигини таъкидлади.

• Markaziy Osiyo
• tovar