Машҳур “Гаттака” фильмининг давоми суратга олинади. Бу ҳақда “Deadline” нашри хабар берди.

Қайд этилишича, 1997 йилда яратилган фантастик драма “Showtime” янги серияси учун бошланғич нуқта бўлади. Ҳуқуқларни сотиб олиш бўйича келишув ҳали якунлангани йўқ, бироқ у якуний босқичда.

Маълумки, фильмдаги асосий ҳаракат асл фильмдаги воқеалардан кейин бир авлод алмашади. Говард Гордон ва Алекс Ганса (“Ватан” фильми ижодкорлари) “Шоураннер” – лойиҳа муаллифи сифатида фаолият юритса, Крейг Бортенга (“Даллас харидорлар клуби”) сценарий ёзиш вазифаси топширилган.

Эндрю Никколнинг “Гаттака” бадиий фильмида Итан Хоук, Жуд Лоу ва Ума Тюрман асосий ролларни ижро этган. Уларнинг қаҳрамонлари комил келажак жамиятида яшаган, у ерда одамлар мос ва нолойиқларга бўлинган. Биринчиси генетик муҳандислик ёрдамида, иккинчиси эса табиий йўл билан туғилган.

Бундан 26 йил аввал яратилган фильмда генетик технологиянинг келажаги ва инсоннинг табиий танлаш эркинлигига таъсири ҳақида саволларга урғу берилган.

Ўша вақтларда картина декорация учун “Оскар” мукофотига номзод бўлган ҳамда кутилганидек, танқидчилар ва томошабинларнинг юқори эътирофларига сазовор бўлган. У IMDb рейтингида 7,80 баллга эга.

Лойиҳа бюджети 36 миллион долларни ташкил этган бўлса-да, дунё бўйлаб 12 миллион доллар маблағ йиға олган, холос.

Фильм Шимолий Америка кассаларида муваффақият қозона олмади ва ҳатто ўзини оқламаган лойиҳа сифатида баҳоланди, аммо замонавий биотехнологиянинг якуний мақсади – айрим турларнинг генетик хусусиятларини тинимсиз яхшилаш хавфи ҳақида мунозараларни келтириб чиқарди. “Гаттака” нуфузли илмий нашрлар саҳифаларида таниқли генетиклар томонидан тилга олинган. “Гаттака” фильми 2011 йил январь ойида NASA мутахассислари томонидан маълум илмий фактлар ва назариялар тўғри кўрсатилган илмий мавзудаги энг ишончли лойиҳа сифатида тан олинган.

Картина 1950 йилларда қурилган халқаро услубдаги биноларнинг геометрик шароитларида рангли фильтрлардан фойдаланган ҳолда суратга олинган.

• Кино
• Premyera
• голливуд