UFC енгил вазн тоифаси жангчиси Ислам Махачевнинг Бенил Дариушга қарши жанги бекор қилинди. Бунга сабаб Дариушнинг жароҳат олиши сабаб бўлди. 

ESPN журналисти Бретт Окамото ўзининг Тwиттер саҳифасида Исламнинг янги рақиби номини маълум қилди у америкалик Бобби Грин бўлади. 

Қайд этилишича, эронлик Дариуш (21-4) машғулотлар вақтида тўпиғидан жароҳат олган ва “даъвогарлар жангида” Махачевга қарши октагонга кўтарилиш имкониятини қўлдан чиқарган. Ушбу беллашув жорий йилнинг 27-феврал куни бўлиб ўтиши ва ғолиб чемпионлик жангида иштирок этиши керак эди.

Қайд этиш мумкин, Бобби Грин сўнгги жангини 13-феврал куни ўтказиб, Насрат Ҳақпарастни ҳакамлар қарори билан мағлуб этди. У UFC’да жами 29 ғалаба, 12 мағлубият ва битта дуранг қайд этган.

Махачев эса сўнгги бор Янги Зеландия вакили Ден Хукерни (21-11) биринчи раунддаёқ “кимура” услуби (қўлни оғритиш) билан мағлубиятга учратган. Махачев учун ушбу ғалаба ММА’даги 21-ғалаба бўлди. Ислам фақатгина бир жангда имкониятни бой берган. Ден Хукер 32 та жангда 11-мағлубиятга учради
 

• MMA
• UFC