Туркияда ёмғирдан кейин денгиз қирғоқларидан тошиб, йирик шаҳарларни сув босди. 2 нафар инсон ҳалок бўлди, 10 нафар киши яраланди. 47 провинсияда сўнггидан олдинги “тўқ сариқ” таҳдид даражаси эълон қилинган.

Грузиядаги ёмон об-ҳаво Грузия ҳарбий йўли бўйлаб юк машиналари ҳаракатининг вақтинчалик тўхтатилишига сабаб бўлди. Россия томонида кираверишда 2100 та машина йўл очилишини кутмоқда.

Озарбайжон Фавқулодда вазиятлар вазирлиги кучли шамол туфайли аҳолига мурожаат қилди. Фуқароларни огоҳ бўлишга, хавфсизлик чораларига риоя қилишга чақирган.
Доғистонда 82 та аҳоли пунктида 100 минг киши электр таъминотисиз қолди. Фавқулодда вазиятлар вазирлиги маълумотларига кўра, авария ҳолатини тиклаш ишларига 27 энергетик бригада жалб этилган. Бугун шамол 15-20 м/с гача кучайиши кутилмоқда.

• Грузия
• Озарбайжон
• Табиий офат
• Туркия