16 июнь куни Тошкент шаҳридаги Humo Arena мажмуасида Lift Promotions'нинг навбатдаги бокс кечаси ўтказилади.

Ушбу оқшом доирасида энг енгил вазн тоифасидаги боксчимиз Миразиз Мирзаҳалилов (2-0) WBA Asia минтақавий камари учун рингга кўтарилади. Фарғоналик чарм қўлқоп устасига қозоғистонлик Нурслан Сабиров (7-2) рақиблик қилади.

Шунингдек, биринчи ярим ўрта вазн тоифасидаги ўзбекистонлик боксчи Мужибилло Турсунов (2-0) гран-при финали доирасида қозоғистонлик Дилшат Нурим (6-0) билан жанг қилади. Мазкур жанг WBC Asia минтақавий камари учун кечади.

Шунингдек, оқшом доирасида машҳур боксчи, собиқ WBO камари соҳиби Поль Батлер ва хорижлик бир қанча боксчилар рингга кўтарилиши кутилмоқда.

• Бокс