Ўзбекистон етакчисининг Мўғулистонга илк ташрифи икки томонлама муносабатларда янги босқични бошлаб берди ва кўп қиррали ҳамкорликни ривожлантириш учун кенг имкониятлар очди.

Ўзбекистон раҳбари кеча Улан-Батор шаҳрида Президент Ухнаагийн Хурелсух билан тор доирада ва кенгайтирилган таркибда музокара ўтказди. Амалий ҳамкорликнинг истиқболли йўналишлари, энг аввало, савдо-иқтисодиёт ва саноат соҳаларида кооперацияни ривожлантириш масалалари кўриб чиқилди.

Якунда Кенг қамровли шериклик муносабатларини ўрнатиш тўғрисидаги қўшма декларация имзоланди.

Президентлар рафиқалари билан икки мамлакат санъат усталарининг қўшма концертида иштирок этдилар.

Бугун Мирзиёев рафиқаси билан “Ix Tenger” мажмуасига ташриф буюрди. Президентлар ва биринчи хонимлар биргаликда дарахт экдилар. Анъанавий “Наадам” ўйинлари томоша қилинди.

Ташриф тадбирлари якунлангач, Ўзбекистон Президенти Тошкентга жўнаб кетди. Аэропортда олий мартабали меҳмонларни Мўғулистон ташқи ишлар вазири Батмунх Батсесег ва бошқа расмий шахслар кузатиб қўйди.

• Мирзиёев
• Ташриф
• монголия