Кеча, 8 июнь куни Мисрнинг Хургада шаҳрида россиялик сайёҳ акула ҳужуми оқибатида ҳалок бўлди. Ҳодиса “Dream Beach” меҳмонхонаси яқинида юз берган.

Қайд этилишича, марҳум – Архангельск вилоятидан келган 23 ёшли Владимир Поповнинг ёнида яна бир аёл бўлган, бироқ у қирғоққа сузиб кетишга муваффақ бўлган. Ўша вақтда марҳумнинг отаси соҳилда бўлган.

Кейинроқ воқеа гувоҳлари ОАВга йигитни қутқаришга ҳаракат қилганликларини, бироқ акула уни сув остида судраб кетганини айтишган. Буларнинг барчаси меҳмонларнинг кўз ўнгида содир бўлган. Одамларнинг сўзларига кўра, дастлаб акулани дельфин, деб ўйлашган.

Воқеа гувоҳларининг фикрига кўра, йиртқич марҳумнинг оёғини тишлагач, у бақириб юборган.

Бироз вақт ўтгач, қутқарувчилар акулани пляждан унчалик узоқ бўлмаган жойда тутишган. Аниқлик киритилишича, сувда ҳимоя тўрлари бўлмаган, эҳтимол шу омил фожиага сабаб бўлган.

Дам олувчилар сузиш вақтида ҳушёрроқ бўлиш, тақиқловчи белгилар ўрнатилган сувга тушмаслик ва шўнғимаслик ҳақида огоҳлантирилган.

• Misr
• O'lim