Мисрнинг “Arab Nihol Investors” компанияси Самарқандда сайёҳлик мажмуасини қуриш лойиҳасига қизиқмоқда. Бу ҳақда “Дунё” ахборот агентлиги хабар берди.
Ўзбекистон элчихонасида мазкур Ўзбекистон-Миср қўшма корхонаси асосчиси, тадбиркор Аҳмад Зайдан билан учрашув ўтказилди.
Унда Самарқанд вилоятининг Ургут туманидаги тоғ олди ҳудудларида 42 гектар ер майдонида сайёҳлик мажмуасини қуриш лойиҳаси муҳокама қилинди.
Лойиҳа қиймати $100 млн.ни ташкил этиб, у уч босқичда амалга оширилиши режалаштирилган: биринчисида — қиймати $18 млн.лик канат йўли, иккинчисида — $32 млн.лик 100 ўринга мўлжалланган меҳмонхона, учинчи босқичда эса қиймати $50 млн бўлган 100 ўринли санаторий қурилади.
Таъкидланишича, лойиҳани тўлиқ амалга ошириш учун яна 1000 гектар ер керак бўлади. Унга хориждан, жумладан Миср ва Уммондан инвесторлар жалб қилинади.
Лойиҳа амалга оширилиши натижасида 500 та янги доимий иш ўрни яратилади. Лойиҳага оид масалалар ва хорижий инвесторнинг қўшимча таклифлари муҳокама қилинди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!