Москва марказидаги қадимий уйларни тиклаш билан боғлиқ археологик ишлар давомида XVI-XIX асрларга оид артефактлар топилди. Шундан 82 та буюм музейларга топширилади.

Наумов-Волконский турар-жой биносини реставрация қилиш жараёнида сут, сариёғ ёки сув сақлаш учун ишлатилиши мумкин бўлган қора жилоланган идиш, рангли металлдан ясалган узук, бирдан 20 тийингача бўлган мис тангалар топилди.

Пречистенкадаги 18-19-асрлардаги шаҳар мулкининг асосий уйини тиклаш ишлари давомида рельефли полихром плиткалар, қўлда қувилган мис тангалар, оқ лойдан ясалган сопол идишлар ва пойабзал парчалари топилган.

Москва мери Сергей Собяниннинг сўзларига кўра, сўнгги 13 йил ичида археологлар пойтахтда 100 мингдан ортиқ артефакт топган. Уларнинг 33 мингдан ортиғи Россия музей фондининг давлат қисмига ўтказилган, қолганлари эса реставрация қилинмоқда.

• Москва
• топилма