Россия Фавқулодда вазиятлар вазирлиги Москванинг жануби-шарқида “Садовод” бозори ёнмоқда, — деб хабар берди. Улар ёнғинга иккинчи даражадаги мураккаблик берилганини қўшимча қилишди. Шунингдек, одамлар эвакуация қилинмоқда.

Воқеа жойида ўт ўчирувчилар ишлашмоқда, бошқа расмий маълумотлар ҳозирча келтирилмаган. ФВВнинг “ТАСС”га маълум қилишича, воқеа жойида қуюқ қора тутун пайдо бўлган ва ёнғин ҳозирча ўта кучли даражада.

Илгари “Садовод”да шу йилнинг июнь ойида ёнғин содир бўлган эди – ўшанда учта павильон ёниб кетган, бироқ ёнғин тез тарқалиши туфайли уларнинг сони кўпайган. Май ойининг охирида бир қанча павилонларда ҳам ёнғин содир бўлган. Яна бир ёнғин 2022 йилнинг ноябрь ойида содир бўлган ва умумий ёнғин майдони 50 квадрат метрни ташкил қилган.

Садоводни “Киев Плошча” компанияси бошқаради. Бозор Москванинг жануби-шарқида жойлашган бўлиб, 40 гектардан ортиқ майдонни эгаллайди. У ерга ҳар йили 36,5 миллион харидор ташриф буюрадиган 8000 дўкон мавжуд.

• Москва
• Россия