Москвада Cроcус Cитй Ҳалл консерт залидаги терактдан сўнг қўлга олинган чеченистонлик Асхаб Успанов бир неча соатдан кейин полиция бўлимида вафот этган. Бу ҳақда “Агенство” нашри 1-апрел, душанба куни унинг онаси Таиса Успановага таяниб хабар берган. Бундан уч кун аввал унинг ўлими ҳақида Чеченистоннинг мухолифатдаги 1ADAT Телеграм-канали ҳам хабар берган эди.

Марҳумнинг онасининг сўзларига кўра, унинг ўғли хотинининг ишига кетаётганида қўлга олинган. Ушланганидан сўнг Успанов хотинига қўнғироқ қилган: у унинг олдига келмоқчи бўлган, лекин келмасликни сўраган. Эркак полицияда “ўзига қарши ҳеч нарса йўқлигини” айтган, лекин кейинроқ қайтиб қўнғироқ қилиб, “хавфсизлик кучларига қўполлик қилганини” айтиб, уни полиция бўлимидан олиб кетишни сўраган.

Успановнинг рафиқаси ва онасининг айтишича, икки соатдан кейин улар полицияга боришган. У ерда унга эри энди йўқлигини айтишган. Успановнинг онаси ўғли Чеченистонда дафн этилганини даъво қилмоқда, бироқ жасад унга қандай ҳолатда ва қачон берилгани, унда қийноқ излари бор-йўқлиги ва ўлим сабаби нима эканлигини аниқлаштирмаган. Унинг сўзларига кўра, Успанов терактга алоқадор бўлиши мумкин эмас.

• Checheniston
• Москва
• Россия
• Теракт
• portlash