Манкунианликлар Англия чемпионатининг 19-туридан ўрин олган ўйинда «Борнмут»ни мағлуб этишди (3:0). Учрашувдан сўнг, «қизил иблислар» устози беллашув ҳақида фикр билдирди.

«Натижадан мамнунман. Бироқ, бу бизнинг энг яхши ўйинимиз эмас. Очиғини айтганда, биз жамоа сифатида ақллироқ бўлишимиз керак.

Ўйин мобайнида ажойиб голлар урдик, баъзида эса омадимиз келди. Давид Де Хеа эса ажойиб ўйин ўтказди.

2:0 ҳисоби катта фарқларни юзага келтирди. Келгуси ўйинларда биз тўпни назорат қилишимиз ва қачон дарвозага зарба беришни билишимиз зарур.

3:0 ҳисобида ғалаба қозониш ҳар доим ёқимли. Мухлислар учун ажойиб ўйин бўлди. Биз ўйиндан ўйинга ўсиб боришимиз лозим.

Кейинги ўйин кубок баҳси. Лекин биз ҳар бир ўйинда ғалаба қозонишни истаймиз. Ёндашув шундай бўлиши керак», – деди сўнгги 10 учрашувнинг 9 тасида ғалаба қозонган «Манчестер Юнайтед» бош мураббийи.

• Фикр
• Футбол
• Manchester Yunayted