«Манчестер Юнайтед» ПСЖ қизиқиш билдираётганига қарамай, Маркус Решфордни қўйиб юбориш ниятида эмас.
ESPN ўз манбаларига таяниб хабар беришича, «Манчестер Юнайтед» ҳужумчи атрофидагиларнинг Франция клуби билан алоқалари ҳақида билиб, ПСЖни ўзини бундай тутиш керак эмаслиги ҳақида огоҳлантирган.
«Қизил иблислар» Решфорд бўйича таклифларни ҳатто кўриб чиқмоқчи ҳам эмас.
Қайд этилишича, парижликлар ҳужумчини тахминан 60 миллион фунтга баҳоламоқда. «Манчестер Юнайтед» уни 120 миллион фунт стерлингдан қимматроқ деб ҳисобламоқда.
Маркуснинг клуб билан амалдаги шартномаси муддати 2023 йилгача мўлжалланган ва у келишувни яна бир мавсумга узайтириш имкониятига эга.
Маълум қилинишича, «Манчестер Юнайтед» ҳужумчи билан янги шартнома имзоламоқчи.
Жамоа бош мураббийи Эрик Тен Хаг эса Решфордга ишонишини тасдиқлади.
«У жуда муҳим. Клубдаги биринчи кунимдан мен ундан жуда мамнунман. Мен уни йўқотишни хоҳламайман. У, албатта, «Манчестер Юнайтед«нинг режаларидан ўрин олган», – деди Тен Хаг.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!