31°
Кечаси 18°
Кеча, 26 февраль санасида Европанинг гранд клублари турли мусобақалар доирасида ўз ўйинларини ўтказишди.
Жумладан, Англия Лига Кубоги финалида «Манчестер Юнайтед» «Ньюкасл» билан жамоалари тўқнаш келди.
«Қизил иблислар»нинг биринчи бўлимда киритган иккита голи ғалаба учун етарли бўлди.
Шу тариқа «Манчестер Юнайтед» ўз тарихида олтинчи марта ушбу мусобақа ғолибига айланди. Фақат «Ливерпул» (9) ва «Манчестер Сити» (8) бу борада «Юнайтед»дан яхшироқ кўрсаткичга эга.
Англия Лига Кубоги | Финал
«Манчестер Юнайтед» — «Ньюкасл» 2:0
Голлар: 1:0 – 33ʼ Каземиро, 2:0 – 39ʼ автогол Ботман.
Англия Премьер-лигаси 25-турининг марказий учрашувида «Тоттенҳем» ва «Челси» жамоалари ўзаро баҳс олиб боришди.
Биринчи бўлимда дарвозалар ишғол қилинмади. Иккинчи таймда киритилган иккита гол эса «Тоттенҳем»нинг ғалабасини таъминлади.
«Тоттенҳем» очколарини 45 тага етказиб олди ва 4-поғонада бормоқда. АПЛдаги ғалабасиз сериясини бешта ўйинга етказган «Челси» 31 очко билан 10-поғонани эгаллаб турибди.
АПЛ | 25-тур
«Тоттенҳем» — «Челси» 2:0
Голлар: 1:0 – 46ʼ Скипп, 2:0 – 82ʼ Кейн.
Ўз навбатида, Ла Лиганинг 23-тур учрашувини ўтказган «Барселона» сафарда чемпионатнинг аутсайдер жамоасига имкониятни бой бериб қўйди.
«Алмерия»га қарши баҳс олиб борган каталонияликлар биринчи бўлимда ўз дарвозаларидан тўп олиб чиқиб олишга мажбур бўлишди ва бу гол ўйин сўнггига қадар ягоналигини сақлаган ҳолда, мезбонларга ғалаба келтирди.
Шу тариқа «Барселона» мавсумдаги иккинчи мағлубиятини қабул қилиб олди. Бундан аввал чемпионатда фақат «Реал» Хави жамоасини мағлуб этганди.
Қайд этиш мумкин, «Барса» 59 очко билан пешқадам бўлиб турибди. Энг яқин таъқибчи «Реал» билан ўртадаги фарқ 7 очкони ташкил қилмоқда.
«Алмерия» ушбу ғалаба эвазига очколарини 25 тага етказиб олган олда 19-ўриндан 15-поғонага кўтарилди.
Ла Лига | 23-тур
«Алмерия» – «Барселона» 1:0
Гол: 1:0 – 24ʼ Туре.
Франция чемпионатида ПСЖ турнинг марказий ўйинида «Марсел»ни йирик ҳисобда мағлуб этди. Лео Месси ва Килиан Мбаппенинг сай-ҳаракатлари эвазига парижликлар «Марсел» дарвозасига жавобсиз 3 та тўп киритган ҳолда, жиддий рақиб устидан ишончли ғалабага эришишди.
Ушбу натижадан сўнг, ПСЖ очколари сонини 60 тага етказиб, пешқадамликни янада мустаҳкамлади. «Марсел» эса 52 очко билан иккинчи ўринда бормоқда.
Лига 1 | 25-тур
«Марсел» – ПСЖ 0:3
Голлар: 0:1 – 25ʼ Мбаппе, 0:2 – 29ʼ Месси, 0:3 – 55ʼ Мбаппе.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
