Нурсултон Назарбоевнинг “Элбоши” мақоми бекор қилинди. Бу ҳақда маҳаллий “Нур” нашри хабар бермоқда.

Қайд этилишича, Парламент бирданига икки ўқишда “Элбоши тўғрисида”ги қонунни бекор қилиш тўғрисидаги қонун лойиҳасини бир овоздан қабул қилган.

Ҳужжат давлат раҳбарига имзолаш учун юборилган.

Ушбу қонунга кўра Нурсултон Назарбоев бир қанча имтиёзлардан маҳрум бўлиши мумкин.

Аввалроқ, Конституциявий суд Қозоғистон Республикасининг “Қозоғистон Республикасининг биринчи президенти – Элбоши тўғрисида”ги қонунни ҳақиқий эмас деб топган эди.

Қайд этиш мумкин, “Элбоши тўғрисида”ги Конституциявий қонунга кўра, Қозоғистоннинг биринчи президенти бир қатор имтиёзларга эга бўлган, жумладан: Қозоғистоннинг биринчи президенти қатор имтиёзларга эга бўлиб, улар орасида: у Қозоғистон Республикаси халқига, давлат органларига умрбод мурожаат қилиш ҳуқуқи; ҳукумат мажлисларида қатнашиш; тегишли давлат органлари ва мансабдор шахслар томонидан мажбурий кўриб чиқилиши лозим бўлган давлат қурилиши, ички ва ташқи сиёсати ҳамда мамлакат хавфсизлигининг энг муҳим масалалари бўйича парламентга ташаббуслар билан чиқиш каби муҳим ваколатларга эга эди.

Шу билан бирга, Элбошининг фаолиятига тўсқинлик қилиш, унинг шаъни ва қадр-қимматига ошкора ҳақорат қилиш ёки бошқа тарзда тажовуз қилиш, шунингдек, биринчи президентнинг суратларини камситиш жавобгарликка сабаб бўлган. Бундан ташқари, биринчи президент дахлсизликка эга эди – у президент ваколатларини амалга ошириш даврида ва ундан кейин содир этган хатти-ҳаракатлари учун жавобгарликка тортилиши мумкин эмас эди. Уни ҳибсга олиш, ҳибсда сақлаш, тинтув қилиш, сўроқ қилиш ёки шахсан тинтув қилиш мумкин бўлмаган.

• Назарбаев
• Қозоғистон