Озарбайжоннинг Шуша шаҳрида шахмат бўйича Вугар Гашимов хотирасига бағишланган турнир якунланди.

Мусобақа рапид ва блитс йўналишларида ўтказилиб, ғолиб ва совриндорлар икки турнирнинг умумий натижалари йиғиндисига кўра аниқланди.

10-маротаба ташкил этилган ушбу нуфузли турнирда жами 8 нафар гроссмейстер қатнашди. Улар қаторида Нодирбек Абдусатторов ҳам бор.

Нодирбек блитс баҳсларида 10 очко тўплаб ажойиб натижа қайд этди. Россиялик Ян Непомняший иккинчи, ҳиндистонлик Аравиндҳ Читамбарам учинчи ўринни банд этди. Бироқ Рапид баҳсларида 8 очко тўплаган Нодирбек 4-поғонадан жой олди.

Шу тариқа, Нодирбекка турнир чемпионлиги учун бир очко етмай қолди. Нодирбекдан бир очко кўп жамғарган Ян Непомняший 10-юбилей турнир чемпионига айланди.

• Nodirbek Abdusattorov
• Шахмат