Мелбурннинг Риппонлей шаҳридаги Adas Isroil ибодатхонасида катта ёнғин содир бўлди. Ёнғин оқибатида икки киши яраланган ва тарихий бино жиддий зарар кўрган.

Ўт ўчирувчилар маҳаллий вақт билан эрталаб соат 4:10 атрофида воқеа жойига етиб келишган. “У ерда 60 га яқин ўт ўчирувчи ва 17 та ўт ўчириш машинаси бор эди”, – деган ёнғин бўлими бошлиғининг ёрдамчиси Брайден Синнемон.

Ушбу ёнғин тахминан бир соат ичида бартараф этилган. Шундай бўлса-да, ибодатхона катта зарар кўрган.

Адасс Исраэл ибодатхонаси Австралиядаги энг гавжум ибодатхоналардан бири бўлиб, кунига 22 соатгача ишлайди. “Ичкарида Тавротнинг муқаддас битиклари бор, уларни ёзиш учун бир йил керак бўлади. Улар бебаҳодир”, – деган жамоа аъзоларидан бири.

“Бу воқеа бизга ўтмишдаги даҳшатларни эслатади. Бу биз учун қўрқинчли, чунки жамият аъзоларининг аксарияти урушдан омон қолганларнинг авлодлари”, - дея қўшимча қилган жамиятнинг яна бир аъзоси.

• Isroil